قـــــامـــــــ الروشنه ـــــــوس

المساهمات : 13 تاريخ التسجيل : 12/03/2009

بسم الله الرحمن الرحيم

أستمورنج
لفظ يقال في الصباح بغرض تناول الطعام او التدخين او شرب الشاي حيث يفيق الشاب من نعاسه مثل ( هاروح اعمل أستمورنج في القهوة وجاي ).

الأبلتين لدع في دهاليز الحياة
عبارة تدل علي الخواء او الفوضي في الحياة وغالبا ما تأتي بقصد الفلس مثل ( مفيش فلوس والابلتين لدع في دهاليز الحياه ) اي ان الحياة خربااانه.

Another Stone
وتعني بالروش حجر اخؤ لشاربي الشيشه علي المقاهي .
أتشبح
مصطلح بمعني الضرب لدرجه التعذيب وتقال ( شبحته ) اي اعتديت عليه بالضرب المبرح.

إتم
والإتامه حسب تعريف الروشنه تعني الغلاسه والرخامه والتناحه وجميع الصفات السيئه التي قد يتصف بها شاب معين ويقولون( الإتم جه ) اي استعدوا للسفاجه التي سوف تظهر من هذا الشاب.

أزبهل
لفظ يدل علي الذهول الشديد ويقال ( انت مذبهل كده ليه ؟ ) اي مندهش لدرجه العبط .

أتوبيس راجع بضهرة
عبارة يقولها الشباب علي الفتاه الغير جميله ولها عند الشباب أسماء اخري مثل ( زي الكرة الكفر )

أعلمه
وهذا مصطلح يعني التشويه في جزء من الوجه بآله حاده مثلما اراد الفنان محمد سعد في فيلم ( الناظر ) مع النجم علاء ولي الدين - أعلمك بمطوة يا أبو صلاح ده ختم الصياعه.

أنش
لفظ مختصر لأسم - انشراح الخباثه - وهي شخصيه خياليه تعني الشخصيه الساذجه الي درجه الهبل .

أمبلايز
مصطلح يعني ( في الفشوش ) اي ان الموضوع الذي سعيت من اجله لم يتم او تعبت علي الفاضي وتقال ( الحياه في الامبلايز ) اي يعني الحياه خربانه وفاشله .

أعلن فراري
عبارة بمعني أنوي الإنسحاب من الجلسه أو الموقف الذي أعاصرة وتقال( أسف أنا هعلن فراري ) أي اني ماشي ولن انضم اليكم في الحديث .

أخلع فرد
عبارة مأخوذه عن لسان شاب جزمجي وتفيد معني ان من نتكلم عنه قادم .

إحنا الي بهيظنا الفهايص
عبارة يطلقها قائد شله الفساد افتخارا بنفسه ومعناها أنا الي جعلت الجميع يغيب عن الوعي .

إوزي
لفظ يطلق علي الفتيات الصغيرات الجميلات في المدارس الثانويه والاعداديه وماشابه .

إدعك الفانوس
عبارة بمعني أختفي الآن انصرف لقد اتممت مهمتك او قلت ما تريد مثال ( ادعك الفانوس دلوقتي ) اي ارحل دون ان يراك احد .

إنزل من علي المسرح يا نجم
عبارة تقال لشخص يتدخل فيما لايعنيه ويقصد بها - ده مش دورك - اي ليس لك دخل بالموضوع.

إنزل من علي ودني
عبارة بمعني ابتعد عني او ارحم دماغي - صدعتني - وهي إعلان لرغبه قائل العبارة في الصمت او ان تسكت شهرزاد عن الكلام المباح .

أنتخ
لفظ بمعني جلس بدون هدف ينتظر الفرج حتي ياتي له . مثال ( حاتقعد مأنتخ من غير شغل كتير ؟؟ )

أدرجي
لفظ يقال علي محترف الصياعه أو لاتقف ويقال انت شاب ادرجي في السوق - انت بارع في التجارة , وتفهم الكثير من خبايا الامور وأحيانا تقال للشباب ذو العلاقات النسائيه المتعدده .

أوجو
مصطلح يطلق علي الفتاه التي تخضع لتأثير الشباب بسهوله او ذات العلاقات المتعدده مع الجنس الاخر .

أعقد لي في حته ناشفه
جمله سخريه توجه للشاب الاهبل او الذي يخطيء في الكلام كالأطفال الذين يتبولون علي انفسهم , علي اعتبار ان الشباب والرجال لايخطئون ولديهم تحكم ذاتي بالنفس (( حمام يعني WC))

أنت من الكفار
عبارة بمعني انت من الاعداء الذي كفر بمباديء الشله وعهودها والتزماتها الروشنيه , مثال ( جاي الديسكو النهارده ؟ لاء - أنت بقيت من الكفار ؟ اي من المنشقين عنا ).

أستوك ... بيتوك
مصطلح يطلق علي الفتاه الجميله وهذا اللفظ يتشابه مع اللفظ الذي ورد في الاغنيه الشهيرة التي تقول ( ايه الاستوك ده .. الي مش بيتوك ده ) اي التي تسير بدلع ودلال انثوي ليس له مثيل.

أستكانيس
لفظ يدل علي الراحه والرفاهيه والمتعه ويقال ( انا مستكانيس كده ) اي اانا مرتاح جدا بهذة الطريقه .
************

اى خدعه cheers

المساهمات : 30 تاريخ التسجيل : 06/03/2009 العمر : 30

GAMED AWY EL DICTIONARY DA .. I LIKE IT

بصراحة انا مزبهل من اللى بشوفه ده
وبعدين انا شكلى هبهيظ فهايصك واخلى الابلتين يلدع فى دهاليز حياتك

هههههههه
تخيلوا انا معرفش و لا معني كلمة من دول
دا علي كده معرفش حاجة خالص

المساهمات : 11 تاريخ التسجيل : 12/03/2009

haha gamed awy ya hossam

يااااااااااااااااااااااااااااااااااه ..... دانا كده بأه ابقى .....اللي شرطنت الشرايط في شراشيب الشهره .... Laughing

المساهمات : 7 تاريخ التسجيل : 31/03/2009

basara7a gamed mooooooooooooooooooooooooooooooot ,,..la2 mosakaf!!!!! Exclamation